Сүүлийн жилүүдэд манай оюутан, сурагчид, залуу үеийнхэн маань англи хэлийг шимтэн суралцаж улмаар өндөр хөгжилтэй орны их дээд сургууль, коллежид элсэн суралцахын тулд TOEFL-ийн шалгалтанд эрчимтэй бэлтгэж, хичээн чармайж байгаа билээ. Гэвч тэдний эрэлт хэрэгцээнд нийцсэн ном, сурах бичиг ховор байгаа болон суралцагсдын зарим хэсэгт учирч байгаа хүндрэл бэрхшээлийг харгалзан үзэж TOEFL-ийн сургалтын “STUDY ” төвөөс 3 сурах бичгийг гаргасан нь залуусын талархлыг хүлээсэн билээ.
“IBT TOEFL-ийн шалгалтанд хэрхэн амжилттай бэлтгэх вэ? ” (2005) сурах бичиг нь англи хэлний дунд болон дундаас дээш түвшний суралцагсдад зориулагдсан юм.
Энэхүү сурах бичигт TOEFL-ийн талаарх бүх мэдээлэл, өндөр оноо авах арга зам, хэлний бүх чадварыг шалгах гурван үндсэн хэсэг болох сонсох, дүрмийн болон унших хэсгийг хийх аргачлал техник, англи хэлний дүрмүүд, мөн түүнчлэн ярианы англи хэлэнд түгээмэл хэрэглэгдэх 400 орчим өвөрмөц хэллэг, дасгалууд, амжилтанд хүргэхэд туслах хүнд үгсийн жагсаалт,дасгалууд, эссе хэрхэн бичих тухай зэрэг TOEFL-ийн бүхий л талыг хамарсан өргөн мэдээлэл нь англи, монгол хэл дээр орчуулга болон хариу түлхүүртэйгээр өгөгдсөн болно.
